Ikhomishini ekhokhelwa nguMnu. Kgalema Motlanthe, ebidingisisa ngokwenzakala mhlaka 1 Ncwabakazi lonyaka eHarare kulandela udlakela olwaqhamuka ngemva kokhetho lokudinga uMongameli, ithi isiqhubele uMongameli Emmerson Mnangagwa isiqu sempumela yayo, iexecutive summary.
NgoMgqibelo bekumele likhomisheni iqhubele uMnangagwa impumela yonke kodwa isikhulumeli sekhomisheni, uMnu. John Masuku uthi abasenelisanga ukwenza lokhu ngoba kukhona okulutshwana kade befuna ukuqala bakulolonge bengakaphi umongameli.
UMongameli Mnangagwa ubekhangelelwe ukwethulela umphakathi impumela le ngoMvulo. Akusaziwa ukuthi uzakwenza lokhu nini.
Phansi komethetho weZimbabwe, ulalo ilungelo lokungethuli impumela le.
Yena uMnangagwa wathembisa ukuthi mpela uzulu uzakuzwa ukuthi ngemva kwenyanga ezintathu ikhomisheni le icwayisisa loludaba lapho okwakhuluma khona abantu abambalwa ababalisa inkokheli yebutho lamapholisa, umkhokheli webandla lemdc, kunye lozulu mathupha.