Odokotela abasebenza ezibhedlela zikahulumende bangene kulanga lesibili bekhalale umsebenzi ngoMvulo, okubangele ukuthi izibhedlela lezi zelaphe izigulane ezisesimeni esibi kuphela.
Izibhedlela lezi zigoqela eseParirenyatwa, eseChitungwiza, eseUnited Bulawayo Hospitals (UBH) ndawonye leseMpilo.
Odokotela laba bathi uhulumende kumele alungisise udaba lokusilela kwemithi ezibhedlela kanye lokuswelakala kwempahla yokusebenzisa.
Bathi njalo bafuna uhulumende ababhadale nge-dollar leMelika kuphela hatshi nge-bond kumbe amaRTGs.
Unobhala jikelele wenhlanganiso emela odokotela, iZimbabwe Hospital Doctors Association, uMnu Mthabisi Anele Bhebhe utshele iStudio 7 ukuthi umumo mubi kakhulu ezibheldlela.
Asenelisanga ukukhulumisana lomphathintambo wezempilakahle uMnu Obadiah Moyo.