Abamele amazwe atshiyeneyo kwele Zimbabwe basekela umkhankaso wokulinganisa amathuba abesilisa labesifazana owe #HeForShe.
Benze lokhu emkhosini owenzelwa esigodlweni selizwe leAustralia eZimbabwe obuqoqwe ngummeli wakwele Canada.
Abathakazelele umkhakhaso we#HeForShe bagoqela abameli bamazwe womabili la, eleMelika, eleCanada, Brazil, India, Japan lele South Africa.
Abameli laba bathe kuqakathekile ukuba abesifazane labo batholiswe amathuba afana labesilisa.
Omunye wabalobe amagama abo kugwalo oluphawula umkhankaso we#HeForShe okuveza ukuthi usekela ukuthuthukiswa kwabesifazana nguMnu. Brian Nichols, omele ilizwe leMelika eZimbabwe.
Omunye njalo osekele umkhankaso we#HeForShe nguAmbassador Mphakama Mbethe wakwele South Africa.
Uchasisa ngakunanzelela esekhula okuyikho okumenza ukuthi aqakathekise abesifazana.
Lokhu kusekelwe nguMnu. Sindiso Moyo obesemkhosini lo eHarare owenziwe ngoLwesithathu.
Ukhuthaza abaselisa ukuthi baqakathekise ukuthuthukiswa kwabesifazana.
Abaqoqe umkhosi lo babize iziphathamandla zakwamanye amazwe ukwenzela ukuthi abantu bonke kwele Zimbabwe lemhlabeni wonke jikelele basekele ukuthuthukiswa kwabesifazana.
