WASHINGTON DC —
Kuhlandla lezizalwane zeZimbabwe ezihlala eMelika namuhla sixoxa loMnu Kalvin Manduna oyingcwethi kwezenotho njalo oqhuba izifundo zakhe zezinga laphezulu ezePhD eHoward University eWashington DC.
UManduna uthi lanxa nje kuphileka ngcono eMelika, ukhathazekile kakhulu ngokubhidlika komnotho weZimbabwe.
Uthi njalo okudanisayo yikuthi uMongameli Emmerson Mnangagwa lomphathintambo wezemali uMnu Mthuli Ncube bakhanya bengakwazi ukuthi bebambe ngaphi.