amalinks wokungena

Breaking News

Abantu Abanengi Bancoma Imisebenzi Kamuyi uOliver Mtukudzi


Umuyi, uOliver Mtukudzi
Umuyi, uOliver Mtukudzi

Abantu abanengi bathi umuyi uOliver Mtukudzi wayehlabela umculo owawuthakazelelwa ngabantu abanengi eZimbabwe lakwamanye amazwe.

UMtukudzi, obeliminyaka engamatshumi ayisithupha lasithupha, ubhubhe ngoLwesine emini esibhedlela seAvenues eHarare.

Umuyi utshiye unkosikazi wakhe uDaisy labantwana abambalwa. UMtukudzi waqala ezokucula ngomnyaka ka1977 leqembu leWagon Wheels elalilomhlabeleli uThomas Mapfumo laye olodumo.

Wasuka kuleliqembu wabumba ele Black Spirits bethula ingoma ethi Dzandimomotera eyadla ubhedu wabalodumo ilizwe lonke.

Ingoma zikaMtukudzi zazijulile okokuthi kwesinye isikhathi imilayezelo yakhe yayisiba ngumfutho kubalweli benkululeko.

Ngemva kwesikhathi waqala ukulingisa wangena kumidlala yamabhayisikopo efana labo More Time, Neria leminye.

Ngokuya kwesikhathi uMtukudzi ubambisane labanye abahlabeleli abakwamanye amazwe abafana leLadysmith Black Mambazo labanye abavela kuzwekazi leAfrica.

UMtukudzi wakha indawo yokuhlangana yabahlabeleli okuthiwa yiPakare Paye eNorton.

Ummeli weNorton edale lephalamende, uMnu. Themba Mliswa, uthi usekhulumisane loMongameli Emmerson Mnangagwa ukuthi uMtukudzi aphiwe inhlonipho yeqhawe lesizwe, inational hero.

UChris Gande weStudio 7 uxoxe lomculi uKhululekani Bethule owaziwa ngokuthi nguKhuxxman othi uMtukudzi wayehlabela umculo ohlonitshwa ngabantu bonke.

please wait
Embed

No media source currently available

0:00 0:02:20 0:00

UEzra Tshisa Sibanda ubhodabhode ezitaladeni zako Bulawayo waxoxa labantu ngemfa kaMtukudzi.

please wait

No media source currently available

0:00 0:04:20 0:00

XS
SM
MD
LG