Umongameli Emmerson Mnangagwa uthi kulemibiko yokuthi ibandla lemdc lifuna ukutshengisela.
Ngalokho uthi abafuna ukuthula bazihlalele endlini kodwa abazaphuma bazakubona okwabonwa yingidi ethi ngapha ilunyiwe ngapha iyatsha.
UMnangagwa wethule amazwi la eMwenezi lapho kade elomhlangano wokuhlangana lozulu.
UMnangagwa uphathe indaba ezitshiyeyeno waqala ngokuthi imihlangano yakhe le, eyayiqoqwe ithiwa ngeyokubonga abasekeli bakhe ngeyokuhlangano lozulu hatshi ukumbonga wazisa uzulu ukuthi umsekeli wakhe uMnu. Constantino Chiwenga kezwakuhle emzimbeni kunye lomgcinisihlalo webandla, uNkosikazi Oppah Muchinguri Kashiri.
UMnangagwa uthe ilizwe lilamabele adliwa ngesikhathi sendlala esithi akusoze kube lomuntu ozafa ngendlala.
“Sike saba lokusilela kwamafutha ezimota. Kudaba lwengqoloyi ngaya eRussia ngakhuluma labo sikhuluma nje enye ingqoloyi ise Beira. Silungisa udaba lwamafutha okupheka esizwa kuthiwa intengo isikhweziwe. Sizakulungisa lokho,” kutsho uMnangagwa.
Uthi ubudlangudlwangu obenzakalayo ngenyanga edluleyo yikho okutshiwo libandla le MDC Alliance ukuthi yikuthela inhlabathi.
UMnangagwa uthi kulamazwe aphathisa abanye abe Zimbabwe ukuthi benze ubudlwangu-dlwangu kodwa ibandla le Zanu PF lona lizifunela ukuthula.
“Sebeqalile ukuqoqa okunye njalo ukutshengisela. Ngitshela isizwe ukuthi labo abafuna ukuthula hlalani endlini kodwa abafuna ubudlwangudlwangu ezitaladeni sizoqelana labo,” kutsho uMnangagwa.
Ukuhlaziya amazwi kaMnangagwa sixoxe lengcwethi ecubungula ezombusazwe, uMnu. Zenzele Ndebele.
