amalinks wokungena

Breaking News

Mnangagwa: Ngiphatheke Kubi Kakhulu Ngomonakalo Obangelwe Lizulu Lesiphepho


UMongameli Emmerson Mnangagwa uthi uphatheke kubi ngomonakalo obangelwe lizulu lesiphepho eliqothule izakhiwo lakhukhula amabholoho njalo labulala abantu abafika phose amatshumi ayisitshiyagalolunye endaweni ezifana leChipinge leChimanimani ngempelaviki.

Embikweni awethule enkundleni yeTwitter, uMnangagwa uthe ukhala ndawonye lezimuli ezilahlekelweyo. Wengeze wathi uyaziqhenya ngomsebenzi owenziwa ngamasotsha ekuhlengeni lekuphathiseni abawelwe yilingozi.

“Siphatheke kabi njengelizwe. Kodwa ngiyajabula ngendlela iziphathamandla zikahulumende eziqhuba ngayo umsebenzi wokunakekela labo abawelwe yilingozi,” kutsho uMnangagwa.

“Ngitshelwe ukuthi usamkhulu umsebenzi omele wenziwe; amabutho ethu aphakathi kwemizamo yokufinyelela bonke badinga uncedo.”

Ngakolunye uhlangothi, abenhlanganiso ezizimeleyo labenkolo ezitshiyeneyo baqhubeka beqoqa uncedo lokuphathisa abawelwe yilingozi.

Unceda lolu luvela kunxa zonke zelizwe, ezigoqela edolobheni leHarare, ekoBulawyo lakwezinye indawo ezitshiyeneyo.

Omunye wabaqoqa loluncedo koBulawayo uMnu Zenzele Ndebele utshele iStudio 7 ukuthi uncedo asebelutholile lugoqela ukudla, ingubo lezigqoko.

please wait

No media source currently available

0:00 0:03:11 0:00
XS
SM
MD
LG