Owayengumsekeli ka wayenguMongameli weleMelika, uMnu. Barack Obama, uMnu. Joe Biden izolo laye wazise ukuba uzancintisa ukumela ibandla lama democrats kukhetho oluzenziwa ngomnyaka ozayo olokudinga umongameli.
Bekuvele kusaziwa ukuthi uzangena kukhetho kodwa ubengakazisi ngokusemthethweni.
UBiden ngomunye wabedlula amatshumi amabili abadinga ukumela ibandla lama Democrats kukhetho lokudinga uMongameli ngomnyaka ozayo.
Ingcwethi ezicubungula ezombusazwe ezeMelika zithi uBiden nguye okhanya elamathuba okungqoba uTrump kukhetho.
Kodwa lezi ngcwethi zithi uBiden, oleminyaka engamatshumi ayisikhombisa lane, uzathola kunzima ukuhuga amavoti abasakhulayo. Kambe uBiden engangqoba uMongameli Trump?
Ukuhlaziya loludaba isoxe uMnu. Den mMoyo, ongumgcinisihlalo webandla leMDC-T kweleMelika.
“Abebandla lama Democrats abanengi bambona uBiden ele chance ngoba ulamathuba amanengi ngoba wasebenza kahle loMongameli Obama abathi umbuso wakhe wawungcono kulo ka Trump,” kutsho uMoyo.
