amalinks wokungena

Breaking News

EleMelika Lixwayisa Izizalwane Zalo Ukuthi Zilimuke Nxa Zisethekelela eZimbabwe Ngoba Kulobugebengu Lokungahlaliseki


EleMelika selixwayise izizalwane zalo ezifisa ukwethekelela eZimbabwe ukuthi ziqaphele ngoba kulokungahlaliseki lobugebengu obugoqela ukukhuthuzwa lokugqekezwa kwezindlu.

Embikweni awethule ngoLwesibili, uhulumende weMelika uthe njalo ukuntshontshwa kwezimota kubhahile eZimbabwe kanye lobunye ubugebengu bezinga laphezulu obufaka impilo zabantu engozini enkulu.

Ngokunjalo, uthe izizalwane zakhe ezingaba zithe zethekelela eZimbabwe kumele zithathe amanyathelo okwenqabela ukuntshontshelwa afana lokufihla imali nxa zisemoteni.

Uzikhuthaze njalo ukuthi zihlale zithwele incwadi zazo zokuhambisa, ama-passports lokuthi zingaze zaphatheka emihlanganweni yezombusazwe.

Umeli wesigaba seBinga North edale lephalamende njalo elilunga lebandla eliphikisayo eleMDC, uMnu Prince Dubeko Sibanda, uthi uvumelana lombiko weMelika.

please wait

No media source currently available

0:00 0:02:04 0:00

Kodwa ilunga lebandla leZanu PF uMnu Believe Gaule uchothoze umbiko weMelika esithi uveza sobala ukuthi uhulumende kaMongameli Donald Trump uyisitha esingafiseli eleZimbabwe okuhle.

please wait

No media source currently available

0:00 0:02:01 0:00

Facebook Forum

XS
SM
MD
LG