amalinks wokungena

Breaking News

Abenhlanganiso Ezizimeleyo Abane Betheswa Icala Lokuqoqa Ukugenqula Uhulumende kaMnangagwa


Abenhlanganiso ezilwela amalungelo oluntu abane ababotshwe ngoMvulo eRobert Gabriel Mugabe International Airport eHarare bevela kweleMaldivies sebetheswe icala lokuzama ukugenqula uhulumende kaMongameli Emmerson Mnangagwa.

Abasolwa laba nguMnu Tatenda Mombeyarara oweCitizens Manifesto, uGeorge Makoni oweCenter for Community Development in Zimbabwe, uMnu Nyasha Frank Mpahlo oweTransparency International Zimbabwe loGamuchirai Mukura oweCommunity Tolerance and Development Trust.

Igqwetha labo uMnu Jeremiah Bamu uthi bazalala esitokisini njalo ngoLwesibili babe sebemiswa emthethwandaba ngoLwesithathu ekuseni.

Olwela amalungelo oluntu uMnu Effie Dlela Ncube utshele iStudio 7 ukuthi akakholwa ukuthi ngempela abasolwa balidala icala abaletheswayo.

UNcube wengeze wathi kusukela kudala uhulumende weZanu PF uyaziwa ngokuhlukuluza abenhlanganiso zamalungelo oluntu kanye labamabandla aphikisayo ngokubabopha ebethesa amacala angekhoyo.

please wait

No media source currently available

0:00 0:02:13 0:00

Facebook Forum

XS
SM
MD
LG