amalinks wokungena

Breaking News

Endaweni Yokuba Phakathi Komhlane Lembeleko, Siphakathi Kwelitshe Lembokodo; Kutsho Uzulu weZimbabwe


Ikusasa lelizwe liya lisiba buvilibana ngenxa yokutshabalala komnotho njalo abantu abanengi bathi lonke ithemba ababa lalo ekususweni kukaMnu Robert Mugabe embusweni seliphelele eboyeni njengezithukuthuku zenja.

Bathi kulokuba phakathi komhlane lembeleko ababekuloyisa, sebezithola bephakathi kwelitshe lembokodo nanku intengo yezinto ezitolo ikhwela mahlayana kanti lohulumende weZanu PF laye ukhanya engazi lokuthi ebambe ngaphi.

Uzulu weZimbabwe ubhekane lendubo ezinengi ezigoqela ukusilela kwamandla kagetsi osokubangele ukuthi avalwe nsukuzonke okwamahola alitshumi.

Ekuhluthuneni intambo zombuso ngo2017, ibutho lachothoza uhulumende kaMugabe lisithi wayesebulele umnotho esehluleka njalo ukuthuthukisa impilo zikazulu.

Kodwa ingcwethi kwezombusazwe uMnu Dinizulu Macaphulana utshele iStudio 7 ukuthi akulalutho osoluguqukile phansi kukahulumende kaMongameli Emmerson Mnangagwa.

please wait

No media source currently available

0:00 0:03:19 0:00
XS
SM
MD
LG