WASHINGTON DC —
Ukunqoba kukhetho lwe by election okwenziwe libandla leMDC ngempelasonto eKadoma sokuvuselele idlabuzane lebandla leli elizakuya kukhetho olunye kuzigaba zelizwe kumaviki amalutshwana alandelayo.
Ngenyanga ezayo kuzakuba lamanye ama by elections eLupane, Bikita, Nyanga lase Insiza.
EKadoma iMDC ithole amavoti afika phose amakhulu ayisikhombisa 700 kuthi iZanu PF yona yathola amavoti adlula kancane ingxenye.
Kunga kutshengisa na ukuthi abasekeli bebandla leZanu PF sebekhathele ngebandla leli ngenxa yokonakala komnotho welizwe?
UChris Gande we Studio Seven uxoxe lomgcinisihlalo webandla leMDC esigabeni seMatabeleland North, uMnu. Prince Dubeko Sibanda ukuze sizwe imbono yakhe ngaloludaba.
