amalinks wokungena

Breaking News

UChiwenga Ulimele Kakubi Engozini Yemota Ebulale Umkakhe


[File Picture]
[File Picture]

Umtshumayeli weZimbabwe odume ngokuchothoza uhulumende weZanu PF uMnu Talent Chiwenga uwelwe yingozi yemota ebikwa ibulele abantu abathathu ekuseni ngoLwesithathu.

Iphephandaba leHerald lithi ababhubhileyo laba bagoqela umkaChiwenga lomntwana kanye lomunye ongakaziwa.

Imota kaChiwenga ibhewukile yagiqika kanengi emgwaqweni osuka eMasvingo usiya eHarare njalo amapholisa athi ibigijima kakhulu.

UChiwenga ngokwakhe ubikwa esesibhedlela njalo ulimele kakubi.

Isikhulumeli samapholisa uMnu Paul Nyathi ufakazele iStudio 7 ukuthi ngempela kubhubhe abantu abathathu kulingozi, kodwa uthe ubengeke ababethe ngamagama ngoba imindeni yabo ibingakaziswa.

UChiwenga uthi uyisihlobo sikamsekeli kaMongameli welizwe uConstantino Chiwenga njalo uhlala emchothoza njalo nje kuntshumayelo zakhe ndawonye loMongameli Emmerson Mnangagwa.

XS
SM
MD
LG