amalinks wokungena

Breaking News

Luya Ludlondlobala Udubo Lokucitshwa Kwamagetsi eZimbabwe


Indawo zelizwe ezinengi zitshone zingelamandla kagetsi ilanga lonke ngoLwesine ngemva kokuba inkampani yeZesa yenyuse uhlelo lwayo lokulondoloza amagetsi yalufaka kuzinga lesibili, uPhase 2.

Izinga leli litsho ukuthi amagetsi acitshwa emadabukakusa aze ayephenduka phakathi kobusuku.

Phansi kukaPhase 1 amagetsi acitshwa ekuseni aphenduke emini, aphinde acitshwe njalo emini ayephenduka ntambama.

Isikhulumeli seZesa uMnu Fullard Gwasira utshele iStudio 7 ukuthi bacitshe amagetsi okwelanga lonke ngoba bekulenkinga kwesinye isititshi esiwaphehlawo.

Lokhu kutshiye uzulu endaweni ezinengi ekhonona kakubi.

Isiphathamandla senhlanganiso yeBulawayo Vendors and Traders Association uMnu Michael Mdladla Ndiweni uthe uhulumende kumele aqakathekise ezinye indlela zokuphehla amagetsi ezifana leGas leSolar.

please wait

No media source currently available

0:00 0:02:33 0:00
XS
SM
MD
LG