amalinks wokungena

Breaking News

Isisindo seMali yeRTGS Siqhubeka Sikhihlika Intengo Ezitolo Iqansa


Intengo iqhubeka iqansa

Idola leZimbabwe seligugudeke lafika ezingeni elibi njalo abatshintsha imali emkambo wensitha kulezinsuku sebethengisa idola leMelika elilodwa ngamaRTGS$ aseZimbabwe alitshumi kusiya kwalitshumi lanye.

Kunsukwana ezedluleyo idola leMelika elilodwa belithenga amaRTGS$ aphakathi kwayisithupha kusiya kwayisitshiyagalombili.

Ukuwa kwedola leZimbabwe lokhu kudala ukukhwela mahlayana kwentengo yokudla lempahla etshiyeneyo, osokubangele ukuthi uzulu adle imbuya ngoluthi. Isinkwa lanxa singatholakali ezitolo ezinengi, intengo yaso ikhwelile izolo yaya ku$6 kwezinye indawo.

Ukuhlaziya loludaba sixhume ingcwethi kwezenotho uMnu Kelvin Manduna.

“Kuyesabisa especially because kukhanyana angani abaphathi be economy abala idea as to how to address the problem. Njalo kukhanya angani abavumelani bodwa; uMangudya ukhuluma okunye uMthuli ukhuluma okunye,” kutsho uManduna.

Uthi isisindo semali sikhanya sizaqhubeka sigugudeka okokuthi kusiyafika ngesikhathi seKhisimusi idola leRTGS lingaba seliwe okokuthi lithenga ngekhulu idola elilodwa leMelika.

please wait

No media source currently available

0:00 0:03:09 0:00

Facebook Forum

XS
SM
MD
LG