amalinks wokungena

Breaking News

Izisebenzi Ezinengi Zikhangelelwe Ukutshengisela Kuviki Ezayo Phezu Kweholo


Izisebenzi zidla isinkwa.
Izisebenzi zidla isinkwa.

Izisebenzi zikahulumende ezinengi zithi zizakhalala umsebenzi kuqala ngoMvulo zikhonona ngeholo elingasenelisi ukuziphilisa ngenxa kokutshabalala komnotho okungelamkhawulo.

Izisebenzi lezi zigoqela odokotela, abongi, ababalisi bezikolo labamanyuvesi afana leLupane State University, iMidlands State University kanye leUniversity of Zimbabwe.

Izisebenzi zogatsha oluqoqa imithelo olweZimra lazo sezilobele iziphathamandla zazo zizazisa ukuthi kazisenelisi ukuya emsebenzini ngoba zingelayo imali yokugada. Izisebenzi zebhanga leFirst Capital Bank Limited lazo sezithethe intathelo elifanayo.

Amatitshala bathi ukukhalala kwabo umsebenzi yikwehluleka ukuya emsbenzini ngoba bengelamali, bakuthi yi incapacitation ngesilungu.

Amasotsha lamapholisa abikwa esebonakala ngobunengi emadolobheni atshiyeneyo elungiselele ukuhlasela abantu alubana bethe batshengisela ezitalade njengalokhu okuke kwenzakala ngoZibandlena.

Sixoxe lesikhulumeli senhlanganiso emela abathengi eyeNational Consumer Rights Association uMnu Effie Dlela Ncube.

"Yebo kuliqiniso akumangalisi ukuthi imali isiphelela ekudleni lanxa itransport uhulumende efake le eye 50 cents kodwa imali enengi isiphelela ekudleni," kutsho uNcube.

please wait

No media source currently available

0:00 0:03:25 0:00

XS
SM
MD
LG