Ezinye izitolo eHarare zibikwa zingasela mpahla kulandela ukwethulwa komthetho ovimba ukusetshenziswa kwemali yakwamanye amazwe. Lokhu kwenzakala ngesikhathi intengo yempahla ezitolo ilokhu iqansa.
Omela isigaba se Southerton eHarare edale lephalamende, uMnu. Peter Moyo owebandla leMDC uthi umtehtho lo usubangele ukuthi abantu babe ngabayanga bengadli ezindlini.
Uthi: "Ama supermarket amaneng iasesuse impahla. Ama supermarket la amakhulu anjengabo OK ungangitshela ukuthi i one kg yamatemba iyenza $100 umuntu ehola $200 kumbe $300 kuyabe kusitshona khonalokho? Siaphila njani elizweni elinjalo?"
UMoyo uthi abantu abasayi ezitolo ngoba bengelamali inengi elingena ema supermarket uyathola abantu benyikinya amakhanda.
Ko Bulawayo lakho ezitolo kubikwa sokulodubo olukhulu ngoba impahla layo isisilela.
Sixoxe lomgcinisihlalo wenhlanganiso yezakhamizi eye Bulawayo Progressive Resident's Association, uMnu. Ambrose Sibindi othi umumo mubi kakhulu kusukela ilanga kusethulwa umthetho lo omutsha.
"Okwenzakeleyo yikuthi ezitolo abanengi abasangeni. Into sezikhwele form ten times kusiyaphambili. Abantu bezitolo labo bathi lumthetho abawuthakazeleli. Ema pharmacy akusengeneki ngoba abantu bebethenga ngedolo leMelika kodwa kathesi intengo yakhona isiphezulu kakhulu ngama bond," kutsho uSibindi.
Uthi umumo usuzafana lowomnyaka ka 2008 lapho okuzaswelakala impahla ezitolo.