amalinks wokungena

Breaking News

UMeya wakoBulawayo: Sizacela Inkantolo Ukuthi Ivimbe iZesa Ukudiliza Imiphotshongo Yethu


Umeya wakoBulawayo uMnu Solomon Mguni uthi sebesiya emthethwandaba ngokuphuthuma ukuyacela ukuthi wenqabele ukudilizwa kwemiphotshongo yalelidolobho yinkampani yeZesa.

Inkampani le ithi izadiliza imiphotshongo le ngoba ingasaqinanga kanti njalo ingasenelisi ukuphehla amagetsi ngendlela ebisenza ngayo eminyakeni edluleyo.

Kodwa sokulokudonselana phakathi kwekhansili leZesa, ikhansili isithi imiphotshongo le ngeyayo njalo ayimelanga idilizwe. Kodwa iZesa layo ithi ngeyayo limiphotshongo.

Udaba lokuthi ngubani kahle-kahle umnikazi lusemthethwandaba ngemva kokukhwezwa ngumasipala kunyanga ezimbili ezedluleyo.

NgoLwesihlanu umhlangano obekhona phakathi kweZesa, umasipala kanye lomphathintambo wezamagetsi uMnu Fortune Chasi phezu kwaloludaba awuphumanga lesisombululo.

UMguni utshele iStudio 7 ukuthi bazakuya enkantolo ngeviki ezayo ukuyayicela ukuthi ivimbe ukudilizwa kwezakhiwo lezi ngoba umbango wokuthi izakhiwo lezi ngezekhansili kumbe ngezeZesa ungakahluzwa ngumthethwandaba.

please wait

No media source currently available

0:00 0:02:42 0:00
XS
SM
MD
LG