amalinks wokungena

Breaking News

Uhulumende kuMDC: Lingavele Lilinge Ukuvukela Umbuso Wethu Lizayikhotha Imbenge Yomile


Uhulumende uthi uzakwelula isandla somthetho ngendlela elukhuni alubana ibandla eliphikisayo eleMDC lithe lalinga ukumgenqula embusweni.

Isikhulumeli sikahulumende uMnu Nick Mangwana wethule amazwi la ngoMvulo ewaqondise kusiphathamandla seMDC uMnu Job Sikhala phezu kwamazwi awethule ngempelaviki.

UMnu Sikhala ubikwa etshele abasekeli bebandla lakhe ukuthi bazawugenqula umbuso kaMongameli Emmerson Mnangagwa bamdudule ukhetho luka2023 lungakafiki.

Kodwa uMangwana uthi amapholisa kasoze akuvumele lokhu.

Wengeze wathi lanxa kunjalo, kabasoze bathathe amanyathelo okwamanje ngoba iMDC likhanya ijonge ukuphazamisa uhambo lwequla likahulumende eliseBhilithani, lona elikhokhelwa ngumphathintambo obona ngobudlelwano beZimbabwe lamanye amazwe uMnu Sibusiso Moyo.

Khepha isikhulumeli seMDC uMnu Fortune Daniel Molokele utshele umsakazo weStudio 7 ukuthi ibandla lakhe kalilayo injongo yokuvukela umbuso weZanu PF kumbe ukugenqula uMnangagwa.

please wait

No media source currently available

0:00 0:02:09 0:00
XS
SM
MD
LG