Kuhlelo lokuzilibazisa olweWoza Friday liviki sihamba leqembu elicula iRhumba eleTshongokwe Masterz.
Iqembu leli lidabuka eLupane lanxa nje lihlabela likweleSouth Africa. Leli lidlalade lalo lesithathu njalo isihloko salo sithi ‘Zinyathel’amathole.
Idlalade leli lilengoma eziyisikhombisa ezigoqela ethi ‘Angizazi’, ‘Akakatsho’ kanye lethi ‘Iphunga Limnand’empukaneni.’
Umkhokheli waleliqembu uNkosikhona Ngwabi utshele iStudio 7 ukuthi badinga uxhaso kubalandeli ukuze bakhule labo baphumelele njengeqembu.
Ngomnyaka ka2017 iqembu leTshongwe Masterz libambisane leleGwese Super Sounds bethula idlalade elilesihloko esithi 'Ukubambisana.'
Nxa sibala lalonelo, singathi iqembu leli lilamadlalade amane. Kodwa amanye amathathu la, liwethule lizimele lodwa, kutsho uNgwabi.