amalinks wokungena

Breaking News

UMnangagwa Kunhloko Kahulumende weBhilithani Entsha: Amhlophe Mnu Johnson, Sengathi Singadlelana Kuhle


UMongameli Emmerson Mnangagwa utshayele ihlombe umkhokheli kahulumende wakweleBhilithani omutsha uMnu Boris Johnson ngoLwesibili esithi ukhangelele ukuthi uhulumende wakhe uzadlelana kuhle loweZimbabwe.

UJohnson ukhethwe libandla lakhe lamaConservatives ngoba inhloko kahulumende ekhona uNkosikazi Terressa May esetshiya isikhundla.

Ubudlelwano phakathi kwamazwe womabili sobuleminyaka bungahambi kuhle ngoba eleBhilithani lisethesa uhulumende weZanu PF umlandu wokwephula amalungelo oluntu.

Ilunga leZanu PF uMnu Malaki Nkomo, yena owake waba ngumeli weInsiza South edale lephalamende, utshele iStudio 7 ukuthi laye uloyisa okufanayo loMongameli Mnangagwa.

Wengeze wathi ufuna uMnu Johnson esule izijeziso ezetheswa uhulumende weZimbabwe ngeleBhilithani limanyene lamanye amazwe akumanyano weEuropean Union.

please wait

No media source currently available

0:00 0:02:23 0:00

Kodwa ingcwethi kwezombusazwe uMnu Effie Dlela Ncube uthi kaboni lokhu kusenzeka ngoba kusakunengi eleZimbabwe elimele likulungisise okufunwa yiBhilithani okugoqela ukuhlonipha amalungelo oluntu.

please wait

No media source currently available

0:00 0:02:08 0:00

XS
SM
MD
LG