amalinks wokungena

Breaking News

Inhlanganiso Ezizimeleyo Zithi Kumele iAU leSADC Ziqaphe Izehlakalo zeZimbabwe Ngesikhathi Sokutshengisela


Umanyano wenhlanganiso ezilwela amalungelo oluntu oweZimbabwe Human Rights NGO Forum uthi iAfrican Union leSADC kumele zibhekisise izehlakalo zesimo seZimbabwe ngesikhathi sokutshengisela kweMDC ngoLwesihlanu.

Iziphathamandla zalumanyano zethule lumbiko emhlanganweni eziwenze lentathelizindaba eHarare.

“Amazwi esilawo yikuthi iSADC leAU lezinye inhlanganiso ezikhona zibe zilamehlo zikhangelane lokwenzakalayo eZimbabwe,” kutsho isiphathamandla salinhlanganiso uNkosazana Jestina Mukoko.

“Akuncedi ukuthi besesikhuluma sesilahlekelwe yimpilo. Kuqakathekile ukuthi kube lendlela zokuvikela lokho kungakenzakali. Sifuna njalo ukuthi sithi amapholisa lama sotsha sikhangelele ukuthi balondoloze impilo zabantu hatshi ukuyithatha.”

Unobhala wenhlanganiso emela izisebenzi uMnu Japhet Moyo ukhuthaze uhulumende ukuthi alondoloze ukuthula ngesikhathi sokutshengisela hatshi ukulimaza labo abasebenzisa ilungelo labo.

“Esizama ukukutsho lapha yikuthi amaZimbabwe alelungelo lokutshengisela. Sikhangelele ukuthi okwenziwa yiMDC kusasa kwenziwe ngokuthula, kungabi lokulimazana kungabi lokubhidlika kwempahla. Abakhangele ngezomthetho kufanele bebone ukuthi lumbuthano wenziwa ngokuthula,” kutsho uMoyo.

please wait

No media source currently available

0:00 0:05:43 0:00

Facebook Forum

XS
SM
MD
LG