amalinks wokungena

Breaking News

Abasekeli beMDC eBhilithani laseMelika Batshengisele Ezigodlweni Zabameli beZimbabwe Besola Umbuso kaMnangagwa


Amalunga eMDC ngesikhathi etshengisela esigodlweni someli weZimbabwe kweleBhilithani ngoLwesihlanu esola umbuso weZanu PF

Abasekeli bebandla leMDC batshengisele ezigodweni zabameli beZimbabwe eBhilithani laseMelika bechothoza umbuso weZanu PF ngoLwesihlanu.

Lanxa abatshengisele esigodlweni seMelika, eWashington DC bebebalutshwana, abaphatheke ekutshengiseleni okubekhona edolobheni leLondon bebebanengi.

Abantu laba bebesithi uMongameli Emmerson Mnangagwa kumele asuke esihlalweni ngoba esehlulekile ukuvuselela umnotho welizwe.

Isiphathamandla sogatsha lwabasakhulayo kuMDC eBhilithani, uNkosazana Kimberly Bhebhe utshele iStudio 7 ukuthi bafikise ugwalo lwezikhalazo zabo ehofisini yomholi weleBhilithani uMnu Boris Johnson.

UNkosazana Audry Charova (left) loNkosazana Kimberly Bhebhe (right) befikisa izikhalazo zeMDC ehofisini yenhloko kahulumende weleBhilithani uMnu Bos Johnson ngoLwesihlanu
UNkosazana Audry Charova (left) loNkosazana Kimberly Bhebhe (right) befikisa izikhalazo zeMDC ehofisini yenhloko kahulumende weleBhilithani uMnu Bos Johnson ngoLwesihlanu

Esinye sezikhalazo lezi ngesokuthi eleBhilithani kumele liphathe uhulumende weZimbabwe ngesandla esilukhuni ngoba lisephula amaungelo oluntu.

​Wengeze wathi uMnangagwa ungumbusi omubi kakhulu omele asuswe esihlalweni. UNkosikazi Bhebhe usole njalo amapholisa ngokutshaya amalunga ebandla lakhe eHarare.

please wait

No media source currently available

0:00 0:02:02 0:00

Facebook Forum

XS
SM
MD
LG