amalinks wokungena

Breaking News

Uzulu Uchothoza Uhulumende Ngokugweba Induna uNdiweni Ukuthi Apike Okweminyaka Emibili


Induna yeNtabazinduna uMnu Felix Nhlanhlayamangwe Ndiweni

Inengi selisole kakhulu ukubotshwa kwenduna yeNtabazinduna uMnu Felix Nhlanhlayamange Ndiweni lisithi uhulumende ujonge nje ukumhlukuluza ngoba ehlezi esola umbuso weZanu PF.

UNdiweni ufunyawe yinkantolo kamantshi elecala lokubhidliza impahla yomnikazi njalo wagwetshelwa ukupika okweminyaka emibili ngoLwesihlanu.

Kodwa umantshi umkhiphele inyanga eziyisithupha kusigwebo sakhe wathi usezapika okomnyaka owodwa olengxenye kuphela alubana ethe waba libhantinti elilandela umthetho ejele.

UNdiweni ufunyanwe elecala ndawonye lezakhamizi zalapho ayinduna khona ezingamatshumi amabili lantathu (23). Kodwa zona ziphiwe isigwebo sokwenza i-community service emakiliniki lasezikolo.

UMnu Ndiweni uthi icala lakhe labanye laba lavelela ekuthini wahlulela njengenduna kwelinye icala elalisetheswa omunye owesifazana umlandu wokweqa uthango lomyeni wakhe waya emacansini lomunye.

Uthi njalo owesifazana lo ngowebandla leZanu PF.

Inkundla ekhankasela ukuvuselelwa kwamasiko lobukhosi baMaNdebele eyeRoyal Crown Council layo yethule umbiko ichothoza ukuvalelwa kukaNdiweni eKhami.

“Kudida ingqondo ukuthi umahluleli ozimeleyo engathatha isinqumo esinje. Ukutholakale kwakhe elecala yinto embi esingavumelani layo ndawonye lokugwetshwa kwakhe,” kutsho iRoyal Crown Council.

Ibandla leMDC elikhokhelwa nguMnu Nelson Chamisa lalo lichothoze ukugwetshwa kukaMnu Ndiweni lisithi isigwebo lesi kumele sesulwe.

UMnu Ndiweni ngomunye wabantu ekade bekhuthaza uzulu ukuthi aphatheke kunhlelo zokutshengisela ezitaladeni eziqoqwa libandla leMDC emadolobheni atshiyeneyo.

Ingcwethi kwezombusazwe uMnu Zenzele Ndebele utshele iStudio 7 ukuthi kusobala ukuthi uNdiweni ufela ezombusazwe, hatshi icala abeletheswa.

please wait

No media source currently available

0:00 0:01:39 0:00

Facebook Forum

XS
SM
MD
LG