amalinks wokungena

Breaking News

Ikhomisheni yeZACC Ivumelana Legqwetha LikaMphoko Ukuthi Aziveze Aye Emthethwandaba Engabotshwanga


UMnu. Phelekezela Mphoko

Owake waba ngumsekeli kamongameli welizwe, uMnu. Phelekezela Mphoko, ongaziwayo ukuthi ungaphi ngemva kokudenya iziphathamandla zekhomisheni ecubungula inkohlakalo, eye Zimbabwe Anti-Corruption Commission kumbe ZACC, ukhangelelwe ukumiswa emthethwandaba namuhla kumbe kusasa.

Umphoko uzathoniswa icala lenkohlakalo aletheswayo kulandela ukuvumelana kwegqwetha lakhe lomgcinisihlalo we ZACC, uNkosikazi Lois Matanda Moyo ukuthi aye emthethwandaba engazange avalelwe estokisini.

UMphoko wetheswa icala lokukhulula estokisini isiphathamandla sogatsha lwezemigwaqo, iZINARA, esasibotshiwe, uMnu. Moses Juma.

Iziphathamandla zeZACC zike zafika emzini kaMphoko ngeviki edluleyo kodwa wala ukuzibona esithi azilamvumo evela emthethwandaba ukuthi zizombuzisisa ngecala aletheswayo.

UMphoko ubesala njalo ukuzinikela emapholiseni laku ZACC Zimbabwe Anti-Corruption Commission esithi uhulumende uzama ukumbulala ngokumhlaba ijekiseni eletshefu engavele evalelwe estokisini abesezandleni zamapholisa.

Kodwa yena uthi kalacala ngoba wakwenza lokhu ethunywe nguMnu. Robert Mugabe.

Igqwetha likaMphoko, uMnu Zibusiso Ncube utshele iStudio 7 ukuthi ukhulumisane lo Matanda Moyo izolo bavumelana ukuthi uMphoko uzamiswa enkantolo yakoBulawayo kuqala icala lakhe lingakayi eHarare lapho elizathoniselwa khona.

Igqwetha elimela owake waba ngumsekeli kaMongameli welizwe uMnu Phelekezela Mphoko, yena odinga yiZimbabwe Anti-Corruption Commission (ZACC) phezu kwecala lenkohlakalo aletheswayo lithi liphakathi kokukhulumisana lalikhomishini ukuze uMnu Mphoko amiswe enkantolo engelakwesabela impilo yakhe.

please wait

No media source currently available

0:00 0:01:12 0:00

UMphoko uyala ukuzinikela emapholiseni esithi uhulumende uzama ukumbulala ngokumhlaba ijekiseni eletshefu.

Ngokunjalo, uthi kafuni kuvalelwa esitokisini. Kodwa uthi uzimisele ukumiswa emthethwandaba abhekane lecala lakhe.

Ukuhlaziya loludaba sixoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:02:36 0:00

Facebook Forum

XS
SM
MD
LG