amalinks wokungena

Breaking News

Ibandla leMthwakazi Republic Party Lisola Ukubotshwa Kwamalunga Alo Amahlanu


Ibandla leMthwakazi Republic Party selisole ukubotshwa kwamalunga alo amahlanu koBulawayo izolo phandle kweHigh Court ngesikhathi umahluli walelidale ehluza isicelo senduna uFelix Nhlanhlayamangwe Ndiweni esokuthi akhululwe ngemali yesibambiso, i-bail.

Amalunga eMthwakazi la ebephandle komthethwandaba ebambene lezinye izakhamizi behlabela ingoma zomdabu ebezihaya induna bephakamise amabhakane alotshwe ukuthi uNdiweni kalacala; ngakho kumele akhululwe.

Uthe esenqumile umahluli ukuthi uMnu Ndiweni uzakhululwa nge$500 yebail, labantu sebechitheka, amapholisa adumela amalunga eMthwakazi awaphosela kabuhlungu emoteni yawo.

Isikhulumeli sebandla leli, uMnu. Mbonisi Gumbo utshele uChris Gande weStudio 7 ukuthi ababotshiweyo laba bazamiswa emthethwandaba namuhla. Kodwa uthe ubengakabikwazi ukuthi betheswa cala bani.

please wait

No media source currently available

0:00 0:02:20 0:00

Facebook Forum

XS
SM
MD
LG