amalinks wokungena

Breaking News

ZAPU: UMugabe Uzakhunjulwa ngeGukurahundi Lokwabela Abansundu Umhlabathi


Ibandla leZapu lithi lanxa likhala labakhalayo ngokutshona kukaMnu Robert Mugabe, kalisoze lafa lakhohlwa uchuku lwakhe lokubulawa kwabantu abazinkulungwane ezingamatshumi amabili ngombuqazwe weGukurahundi.

“Akulamuntu othabela ukufa komunye, siyakhala labanye kodwa kasikhohlwanga ukuthi nguye owayekhokhela umbuqazwe weGukurahundi owabulalisa abantu ngapha eMatabeleland,” kutsho umkhokheli walelibandla uMnu Isaac Mabuka.

Ukubulawa kwabantu ngeGukurahundi kwenzakala ngesikhathi ibandla leZapu lisakhokhelwa ngumuyi uMnu Joshua Mqabuko Nkomo.

UNkomo wayelwiswa nguMugabe esithi kumele abulawe kanye labantu ababemsekela.

UMabuka uthi lokho yikho okwabangela uMugabe wathumela ibutho lakhe leFifth Brigade layacobodisa inkulungwane zabantu eMatabeleland laseMidlands.

“Kulusizi ukuthi uMugabe uhambile engazange waxolisa ngeGukurahundi,” kutsho uMabuka ekhuluma leStudio 7 ngoLwesihlanu.

Ngaphandle kokubulala abantu ngeGukurahundi, uMabuka uthi uMugabe uzakhunjulwa ngokwabela abantu abansundu umhlabathi awuhluthunela abalimi abamhlophe.

“Okomhlabathi sibili wazama ukuthi abantu abamnyama bawuthole. Yinto enkulu sibibili enhle le ayenzayo,” kutsho uMabuka.

please wait

No media source currently available

0:00 0:03:07 0:00

Facebook Forum

XS
SM
MD
LG