amalinks wokungena

Breaking News

UMugabe Uphiwa Inhlonipho Yeqhawe Lesizwe


Zimbabwe Heroes Acre

Owake waba nguMongameli weZimbabwe uMnu Robert Mugabe, obhubhele kweleSingapore ngoLwesihlanu usephiwe inhlonipho yeqhawe lesizwe.

UMugabe ufe eseleminyaka yokuzalwa engamatshumi ayisitshiyagalolunye lanhlanu, 95. Ubeselenyanga ezimbalwa njalo eselatshwa kweleSingapore.

Idale leZanu PF Politburo lihlangane lavumelana ukupha uMugabe inhlonipho yeqhawe lesizwe, iNationnal Hero.

Kodwa akwaziwa ukuthi uzabekwa nini lokuthi ngaphi.

Emazwini akhe okukhalela uMugabe, uMongameli Emmerson Mnangagwa uthe eleZimbabwe lilahlekelwe kakhulu ngoba uMnu Mugabe ungomunye wabantu abakhulula ilizwe embusweni woncidezelo.

Wengeze wathi eleZimbabwe lizakuba sesimeni sokukhala uMugabe aze angcwatshwe.

“Ukufa kukaComrade Robert Mugabe kutshiya isikhala esikhulu elizweni lethu. Wayelwela amalungelo abensundu njalo utshiye imbali eqinileyo yokulwela amalungelo ezwekazi leAfrica labantu baseAfrica, ikakhulu abantu beZimbabwe,” kutsho uMnangagwa.

please wait

No media source currently available

0:00 0:00:56 0:00

Facebook Forum

XS
SM
MD
LG