amalinks wokungena

Breaking News

Nelson Chamisa: Sinqobile Kodwa Ukhetho Lulokhe Luqilibezelwa


UMnu. Nelson Chamisa labanye bakhe.

Umkhokheli weMDC uMnu Nelson Chamisa uthi lanxa ibandla lakhe linqobile kukhetho lokudinga umeli weGlen View South edale lephalamende olwenziwe ngoMgqibelo, lokhu akutsho ukuthi ukhetho soluqhutshwa ngokukhululekileyo eZimbabwe.

Ngokunjalo, uMnu Chamisa uthi kulesidingo sokuthi kuguqulwe indlela ukhetho oluqhutshwa ngayo njalo leZimbabwe Electoral Commission ibunjwe kakutsha ibe luhlangothi oluzimeleyo olungeyamelanga kucele leZanu PF.

Isigaba seGlen View South besivele sisezandleni zeMDC njalo ongqobileyo nguMnu Vincent Tsvangirai, indodana kamuyi uMnu Morgan Tsvangirai, usethethe isikhundla sikadadewabo, uVimbai owabhubha kungozi yemota.

Kukhetho lokudinga umeli weMangwe kunqobe uNkosikazi Hlalani Mguni oweZanu PF, ongumfelokazi kaMnu Obedingwa Mguni, yena owayephethe lesisikhundla. UNtungamili Nkomo we Studio Seven uxoxe lesikhulumeli sikaChamisa uMnu. Nkululeko Sibanda.

please wait

No media source currently available

0:00 0:02:12 0:00

Facebook Forum

XS
SM
MD
LG