amalinks wokungena

Breaking News

'Ukonakala Komnotho Kwenza Abazali Behluleke Ukuhlawulela Abantwababo Esikolo'


Ihlanganiso ezimela abathengi ezibalisa iConsumer Council of Zimbabwe (CCZ) leNational Consumer Rights Association (NACORA) zithi ukubhidlika komnotho kuzabangela ukuthi abafundi abanengi behluleke ukuqhubeka ngezifundo zabo.

Ngakho, zithi uhulumende kumele athathe amanyathelo okulungisisa umnotho ukuze impilo zabantu zithuthuke benelise ukubhadalela abantwababo esikolo.

Isikhulumeli seNACORA uMnu Effie Dlela Ncube uthi banengi abafundi abangayanga esikolo ekuvulweni kwazo ngoLwesibili ngoba bengelayo imali ye-fees leyezinye indingeko.

“Abanye baphendukile sibabonile, sisazama ukulwa ngendaba yakhona; bexotshelwa i-school fees wona umthetho ungavumi ukuthi baxotshwe,” uNcube utshele iStudio 7.

Amazwi akhe agcizelelwe yisikhulumeli senhlanganiso yeCCZ uMnu Conform Muchekeza.

“Izinto ziyabanzimela abadala, ama-school fees asekhwelilem ama-uniform lawo asekhwelile lezinto ezinengi. Kuyasihlukumeza ukuthi abadala bazakwenza njani,” kutsho uMnu Muchekeza.

Abazali abakhulume leStudio 7 bakufakazile ukuthi bathwele gadalala ngokuthola imali yesikolo leyokuthenga imfanelo ezifana lama-uniform.

please wait

No media source currently available

0:00 0:04:14 0:00

XS
SM
MD
LG