amalinks wokungena

Breaking News

George Mkhwananzi: Abelungu Abahlaselwa eSouth Africa Ngoba Bebonakala Njengabaqatshi.


Udlakela Lokuhlaselwa Kwabokuza eSouth Africa.

Kuhlelo lapho esihlaziya khona udaba lodlakela oluqondiswe kwabokuza kwele South Africa, olwe xenophobia, sixoxa loMnu. George Mkhwananzi ingcwethi ecubungula ezombusazwe ngodaba lokuthi kungani kuhlaselwa abensundu abelungu, ama India lama China engahlaselwa?

UMkhwananzi uthi: “Okwakuqala singathi yikuncipha kwemisebenzi, amathuba wonke awempilo ayancipha, ilizwe le South Africa libhekane lokuncipha komnotho walo. Lokhu sokusenza ukuthi abantu be South Africa bathalaze bathi kuyini okungaba kudala ukuthi amathuba abo anciphe besebesithi bona konke lokhu kudalwa ngabantu abavela ngaphandle.”

Uthi ekwenzeni konke lokhu basuka babheke abantu abalesikhumba esimnyama. Abanye abamhlophe abavela emazweni atshiyeneyo abababheki.

UMkhwananzi uthi lokhu kudalwa yikuthi abantu abamnyama base Africa yibo ababangisana amathuba lezizalwane zakwele South Africa, hatshi abamhlophe abokuza.

“Abamhlophe basuke bangene kwelinye izinga. Nxa bebonakala njengabaqatshi ngakokhe ababalwisi ngaleyondlela. Umuntu ofuna igrant ngumnuntu omnyama, umuntu ofuna umsebenzi we security ngumuntu omnyama, umuntu ofuna umsebenzi we security ngumnuntu omnyama yikho belwisa yena ngoba umlungu ufika akhe ibhizimusi lakhe abeseqatsha abantu abamnyama,” kutsho uMkhwananzi.

Uthi umlungu engaze afike edubeka ngenxa yesikhumba sakhe bambona njengomlungu, umqatshi.

UMkhwananzi uthi okunye okungaba kusenzakala yikuthi uhulumende ufuna ukusebenzisa okwenzakalayo njengendlela yokuvala indaba kade seziphuma ngomongameli Cyril Ramaphosa ukuthi waphiwa imali yomkhankaso wakhe ngabelungu.

please wait

No media source currently available

0:00 0:05:24 0:00


Facebook Forum

XS
SM
MD
LG