amalinks wokungena

Breaking News

Isidumbu Sika Mugabe Sikhangelelwe Elizweni Namuhla Kungavunyelwananga Ukuthi Uzangcwatshwa Ngaphi


UMnu. Robert Mugabe.

Isidumbu sikaMnu Robert Mugabe sikhangelelwe ukufika eZimbabwe namuhla emini ngezikhathi zabo 3 sivela kweleSingapore lapho abhubhele khona ngeviki edluleyo ebulawa ngumkhuhlane ongavezwanga.

Iqula elisilandileyo lilamalunga emuli yakoMugabe leyakonkosikazi wakhe, eyako Marufu, lakahulumende njalo likhokhelwa ngumsekeli kaMongameli uMnu Kembo Mohadi.

Kulokudonselana okukhulu phakathi kukahulumende lomndeni kaMugabe phezu kwalapho azangcwatshelwa khona.

Amanye amalunga omndeni kaMugabe athi kumele abekwe koZvimba emathuneni akibo. Uhulumende yena ufuna abekwe emalibeni eHeroes Acre.

Kodwa embikweni awethule izolo umzukulu kaMugabe, uPatrick Zhuwawo uthe uMongameli Emmerson Mnangagwa lohulumende wakhe bengavele babeke uMugabe lapho angafuni khona, uzimu luzabalungisa.

UNtungamili Nkomo weStudio 7 uxoxe lengcwethi kwezamasiko uMnu Thandeko Zinti Mnkandla.

please wait

No media source currently available

0:00 0:03:20 0:00


Facebook Forum

XS
SM
MD
LG