amalinks wokungena

Breaking News

Ababalekela Udlakela Besiyahlala Kwele Bhilitane Bakhuluma Ngemfa KaMugabe


Isidumbu sikMugabe

Izizalwane zeZimbabwe ezihlala kweleBhilithane lalabo abaphepha kumbuqazwe weGukurahundi bathi ukubhubha kowayenguMongameli weZimbabwe uMnu. Robert Mugabe obhubhele kweleSingapore ngoLwesihlanu olwedlulileyo akubazwisi buhlungu.

Umbiko wokubhubha kukaMnu Robert Mugabe wamukelwe ngemibono ehlukeneyo jabulo enkulu yizizalwane zeZimbabwe ngoba bethi ufe elamacala njalo engatshongo ukuthi wabulalelani izihlobo zabo.

UMnunzana Nqobizitha Maplanka uthi uMugabe waqeda imphefumulo yabantu abanengi.

"Mele sikhulume iqiniso ukuthi uMgabe wayengumbulali. UMgabe wayelisela, uMgabe wathathilizwe elalilihle walidilizela phansi. Kudubeka abantu nje bamatasatasa umhlaba wonke lo, ngenxa ka Mgabe, ukuthi namhla besesikukhohlwa lokho sithi thina uMgabe wayengumuntu omuhle. Siyabe thina selufu sesingabantu abalamanga," kutsho uMaplanka.

Unkosazana Gizzy Nkomo uthi ubuhlungu kakhulu ngoba ugogo wakhe wadlengulwa libutho leGukurahundi kwazalwa unina.

"Angisoze ngimxolele cause uMugabe ngendaba zakhe zeGukurahundi isotsha laraper ugogo wami, ugogo wami ozala umama lamithisa ugogo wazala umama and umamami uzewatshona akamazi ubabakhe ngoba ugogo waretshwa ngeGukurahundi all this ngenxa kaMugabe so uzamxolela kanjani umuntu onjalo. Umamami uze wafa inhliziyo yakhe ibuhlungu ngokungazi ubabakhe," kutsho uNkomo.

UMnzunzana Bongani Mkhwananzi ohlala edolobheni leManchester uthi abantu kabakhangele lokuhle okwenziwa nguMugabe bengasoli kuphela.

"Kukhona okuhle akwenzayo even lakhonaphana ekuphambaniseni kwakhe kunengi abantu abakubenefithayo. Bangabe baphuma baphasalala amazwe, bahamba baya lelale, kodwa ekuhambeni kwabo baboninto ezinengi bafunda into ezinengi okokuthi khona makuyikuthi baqinisile ngento le eyokuthi uMgabe wabulalilizwe and all that abathathe amaskills wonalawo asebewafundile endaweni ezinengi emazweni atshiyeneyo, babuyele bayelungisekhaya angithi uMgabe kudala waphuma elokhungana esihlalweni? Sowaphuma uMgabe eshlalweni," kutsho uMkhwananzi.

Zinengi intandane ezabulawelwa abazali yi5th Brigade, uMnunzana Gibson Ndlovu ohlala edolobheni leLeicester ngomunye wazo.

"Angikwazi noma kuyangijabulisa noma kungenzani. Kodwa ngifisukuthi ukuba uyavuka aphinde afe futhi avuke aphinde afe futhi, ngiyamzonda. Khonamanje abazali bami bafa bonke ngendaba kaMgabe. Wabulala labokhulu bethu uMgabe ngesikhathi seGukurahondo. Mina ngeke ngimxolelele laba abanye asebemcelebrater ilife yakhe ukuthi wayeyihero wayeyihero wayenza so bayangicasula kabi ngizwa ngisizwa ubuhlungu. AbeMDC abaqedimnyaka yonke besilwa loMgabe lamhlanje abanye babo sebemkhuluma kahle engangcwatshwa lwana alahlelwe entabeni," kutsho uNlovu.

Umnunzana Matt Mpofu ubelesifiso sokuthi uMugabe ngabe wafela ejele.

"Silesifiso sokuthi ngakuthiwa wathi esifa wafa ehambe kutrial ukuze aphendule imbuzo esilayo, silembuzo eminengi kakhulu esingakwaziyo ukuthi ngubani ozasinikeza incazelo zayo, kodwa hayi abangu bajubele mpela ukubana isitha sesihambile minus one problem siyajabula kakhulu thina sithi halala"

Umuyi uMugabe uphiwe inhlonipho yeqhawe lesizwe. Isidumbu sakhe sesifikile eZimbabwe sahlangabezwa nguMongameli Emmerson Mnangagwa kodwa akukazakali ukuthi ubekwa ni njalo ngaphi njengoba kulemibiko yokuthi isifiso sakhe lemuli yakhe yikuthi ancwatshwe emzini wakhe koZvimba.

Facebook Forum

XS
SM
MD
LG