amalinks wokungena

Breaking News

Inhlanganiso Zokholo Zichothoza Uhulumende Phezu Kokuthunjwa kukaMagombeyi


Inhlanganiso zokholo lwesiKhristu sezichothoze uhulumende phezu kokwephulwa kwamalungelo oluntu ezithi kuya kusanda elizweni, okugoqela ukuthunjwa komkhokheli wabodokotela uMnu Peter Magombeyi.

Embikweni eziwuqondise kuMongameli Emmerson Mnangagwa izolo, inhlanganiso ezigoqela iZimbabwe Council of Churches leZimbabwe Catholic Bishops Conference, zithe zikhathazekile ngochuku uhulumende aphatha ngalo abantu abamphikisayo kanye labalwela amalungelo oluntu.

Inhlanganiso lezi zithe njalo kulabantu abangamatshumi amabili asebethunjiwe lonyaka, kodwa okumangalisayo yikuthi akekho ngitsho loyedwa osebotshiwe.

Ngokunjalo, zithe uMnangagwa kumele abumbe ikhomithi ezaphenya loludaba. UMagombeyi uthunjwe ngoMgqibelo ngabantu abahlomileyo. Akwaziya ukuthi usaphila na.

Umfundisi Useni Sibanda utshele iStudio 7 ukuthi ukuthunjwa kwabantu lokuhlukuluzwa kwabo nguhulumende sokubangela ukuthi kungabi lenhlalakahle elizweni.

please wait

No media source currently available

0:00 0:02:30 0:00

Inhlanganiso ezimela izisebenzi lazo zithi zithukuthele ngodaba lokuthunjwa kukaDokotela Magombeyi. Zithi uhulumende kumele amdinge amphendukise emulini yakhe ephila.

Inhlanganiso lezi zigoqela emela eyeZimbabwe Banks and Allied Workers Union leyeMedical and Dental Practitioners Council of Zimbabwe.

Odokotela bona babambane lemuli kaMagombeyi emthandazweni oqhutshelwe eHarare Hospital ntambama izolo.

Lanxa kunakanelwa ukuthi uMagombeyi uthunjwe nguhulumende, umphathintambo obona ngokuvikelwa kwelizwe uMnu Owen Ncube uthi lokhu akusilo qiniso. Uthi uhulumende uphakathi kokuphenya loludaba.

please wait

No media source currently available

0:00 0:01:07 0:00
XS
SM
MD
LG