WASHINGTON DC —
Intengo yamafutha ezimota isikhwelile njalo.
Iliter eyodwa yedizili ikhuphuke ngoMvulo isuka ku$12.08 yaya ku$12.42. Iphethulo yona iqonge isuka ku11.55 yaya ku$11.76.
Ukukhwela kwentengo yamafutha ezimota lokhu sokusenzakala viki ngeviki njalo kubangela ukuthi intengo yezinto ezitshiyeneyo layo ikhuphuke.
“Intengo entsha le iqala namuhla ngoMvulo kodwa abathengisa amafutha bayavunyelwa ukuwathengisa ngentengo ephansi kulale,” kutsho ugatsha lweZimbabwe Energy Regulatory Authority.
Ingcwethi ehlaziya ezenotho uMnu Reggie Shoko utshele iStudio 7 ukuthi okudanisayo yikuthi lanxa intengo yamafutha ingaze yehle, abezitolo kabehlisi intengo yempahla abazithengisayo.
