WASHINGTON DC —
Umthethwandaba ngoLwesine walile ukubuyisela owake waba ngumsekeli kaMongameli welizwe uMnu Phelekezela Mphoko i-passport yakhe usithi ulakho ukubaleka elizweni.
UMnu Mphoko ubecele umantshi weHarare ukuthi ambuyisele i-passport yakhe ukuze enelisa ukuyahlangana lomunye wakhe aqhuba ibhizimusi laye kweleSouth Africa.
Kodwa umtshutshisi usiphikisile isicelo lesi esithi uMphoko ulakho ukulabekela icala lenkohlakalo abhekane lalo ngemva kokubotshwa kunyanga ezisanda kwedlula.
Umantshi laye uvumelane lomtshutshisi esithi uMphoko akalaso isibambiso esiqinileyo asiphe inkundla esiveza ukuthi ngempela kajonganga ukubalekela icala lakhe.