amalinks wokungena

Breaking News

Odokotela Bathi Ababuyeli Emsebenzini Lanxa Umthethwandaba Uthe Babuyele Kungekedluli Amalanga Amabili


Doctors strike

Odokotela bathi kabasoze babuyele emsebenzini lanxa umthethwandaba unqume ukuba kumele babuyele kungakedluli amalanga amabili.

Unobhala jikelele wenhlanganiso emela odokotela eye Zimbabwe Hospital Doctors Association, uDokotela Mthabisi Mhebhe utshele iStudio Seven ukuthi lanxa befuna ukulandela isingqumo somthethwandaba udubo yikuthi abala mali yokubasa emsebenzini.

Odokotela batshelwe ngumthethwandaba ngoLwesihlanu ukuthi kumele babuyele emsebenzini kungakedluli amahola angamatshumi amane lasithoba minwe mibili, kumbe amalanga amabili.

Kodwa babikwa besithi bazakusa amaphepha aphikisa lesi sinqumo ngoba bengenilisi ukuya emsbenzini nxa bengengezelwanga iholo ngokuphindwe kwambili.

Kusenjalo, esibhedela seMpilo odokotela babikwa bebalutshwana abakhalala umsebenzi.

Sixoxe lomholi wesibhedlela, udokotela Solwayo Ngwenya saqala ngokumbuza ukuthu umumo unjani esibhedlela seMpilo?

please wait

No media source currently available

0:00 0:01:04 0:00


Facebook Forum

XS
SM
MD
LG