amalinks wokungena

Breaking News

Udaba Lokuba Umkhokheli Webandla leMDC Ngokusemthethweni Ngubani Luyathethwa eSupreme Court


Qhude elikhulu ngubani?

Udaba lokuthi umkhokheli webandla leMDC oqotho ngubani obeluthethwa ngoLwesinea edale le Supreme Court eHarare ludluliselwe ngoLwesihlanu kulandela ukuphikisana okwenziwe ngamagqwetha ka Chamisa laka Nkosazana Thokozani Khupe abesala ukuthi uKhupe asuswe emthethwandaba esithi laye ulokokwenza lodaba lolu.

Umthethwandaba ukhangelelwe ukunquma ngoLwesihlanu ukuthi uKhupe avunyelwe na ukupha imbono yakhe kulelidale kumbe hatshi.

Loludaba lwakhwezwa emthethwandaba lilunga leMDC, uMnu. Elias Mushavira othi uChamisa wayevele ekhethwe okungekho emthethweni ngumuyi, uMnu. Morgan Tsvangirai owayekhokheli lelibandla owakhetha njalo loMnu. Elias Mudzuri.

Elinye lamagqwetha ka Chamisa, uMnu. Thabani Mpofu uthe kuzamele amaphepha asetshenziswa edale le High Court elanquma ukuba uKhupe nguye umkhokhe oqotho webandla le MDC asetshenziswe njalo lesisekelo sombuso webandla esiyiso.

Ibandla leMDC lilezisekelo zombuso webandla ezimbalwa.

Sixoxe lonobhala jikelele webandla leMDC-T, elikhokhelwa nguNkosazana Khupe, uMnu. Abednicho Bhebhe ukuzwe sizwe imbono yebandla labo ngaloludaba.

please wait

No media source currently available

0:00 0:01:48 0:00


Facebook Forum

XS
SM
MD
LG