amalinks wokungena

Breaking News

Abalwela Amalungelo Basola Uhulumende Phezu Kokufa kukaTamangani Esezandleni Zamapholisa


Kulowesilisa obephila ngokuthengisa ezitaladeni obhubhele entilongweni ngemva kokubhaxabulwa ngamapholisa eHarare ekubotshweni kwakhe ngeviki edluleliyo.

UMnu Hilton Tafadzwa Tamangani ufele eHarare Remand Prison ngemva kokwalelwa ukuyakwelatshwa ephandle kwejele.

UTamangani ungomunye wabantu abalitshumi lanye ababotshwe ngoMgqibelo duzane lesigodlo seMDC besetheswa icala lokutshaya ipholisa lokuba lesandla kudaba lwengwane zamapholisa ezibikwa zatholakala kulesisigodlo.

Inhlanganiso yamagqwetha alwela amalungelo oluntu, iZimbabwe Lawyers for Human Rights (ZLHR), ithi uTamangani wahlukuluzwa ngamapholisa waba manxebanxeba emzimbeni wonke labanye abasolwa ababikwa labo belimele kakubi.

Inhlanganiso le ithi okudanisayo yikuthi yacela ukuthi uTamangani akhululwe ukuze ayekwelatshwa ephandle kwejele kodwa iziphathamandla zakwala lokhu.

Akukacaci ukuthi ubhubhe ngoMgqibelo ekuseni kumbe ngoLwesihlanu ebusuku. Isikhulumeli sikahulumende uMnu Nick Mangwana uthi umufi wavalelwa evele engaphilanga kuhle.

Kodwa elinye lamagqwetha amela uTamangani, uNkosazana Idirashe Chikomba, oweZimbabwe Lawyers for Human Rights utshele iStudio 7 ukuthi lokhu akusiloqiniso.

please wait

No media source currently available

0:00 0:03:12 0:00

Abalwela amalungelo oluntu abagoqela uMnu Charles Nyoni basole kakhulu uhulumende phezu kwesehlakalo lesi besithi igazi likaTamangani lisezandleni zakhe.

please wait

No media source currently available

0:00 0:02:21 0:00

Facebook Forum

XS
SM
MD
LG