amalinks wokungena

Breaking News

Abotshiwe Amalunga eMDC Esetheswa Icala Lokuziphatha Ngendlela Elobudlwangudlwangu


Amapholisa eHarare ngoMvulo abophe amalunga eMDC amathathu abalisa ukhansila weMabelreign uMnu Denford Ngadziore, uMnu Makomborero Haruzivishe loMnu Jona Matoratora ebethesa icala lokuziphatha ngendlela elobudlwangudlwangu, i-disorderly conduct.

Abathathu laba babotshwe ngesikhathi behlabela bephambi komthethwandaba kamantshi.

Bebelande ukuyakuzwa ukuthonisiswa kwabaphila ngokuthengisa ezitaladeni abalitshumi ababotshwe kunsukwana ezedluleyo besetheswa icala lokutshaya ipholisa.

Abalitshumi laba bakhululwe ngumantshi ngemali yesibambiso engamadola alikhulu umuntu ngamunye.

Omunye wabo uHilton Tafadzwa Tamangani ufele esitokisini ngempelaviki ngemva kokutshaywa kabuhlungu ngamapholisa.

Igqwetha elimela uNgadziore, uHaruzivishe loMatoratora, uMnu Gift Mutisi, utshele iStudio 7 ukuthi abasolwa laba bazalala esitokisini enkambeni yeHarare Central.

Wengeze wathi balakho ukumiswa emthethwandaba ngoLwesibili.

Ukubotshwa kwabathathu laba kusolwe kakhulu ngabalwela amalungelo oluntu abagoqela uMnu Charles Nyoni yena othi akulacala abalidalileyo.

please wait

No media source currently available

0:00 0:02:34 0:00

Facebook Forum

XS
SM
MD
LG