amalinks wokungena

Breaking News

IMelika leEU kuMnangagwa: Ubusela Lokubusa Kubi Yikho Okubulala Ilizwe, Hatshi Izijeziso


Umeli weMelika eZimbabwe uMnu Brian Nichols loweEuropean Union uMnu Timo Olkkonen bathi ukutshengisela okuzaqhutshwa nguhulumende ngoLwesihlanu phezu kodaba lwezijeziso akusoze kuguqule lutho nxa engaqhubeka esephula amalungelo oluntu njalo engahloniphi umbuso okhululekileyo.

AbeMelika labeEU bethesa iziphathamandla zeZanu PF izijezizo zenotho eminyakeni engamatshumi amabili edluleyo bezethesa umlandu wokubusa ngodlame lokudlelezela kukhetho.

Uhulumende uthi izijeziso lezi zilomthelela omubi kuzulu jikelele njalo uthi yizo ezibulala umnotho. Ngakho, uthi kumele zesulwe.

Kodwa uAmbassador Nichols uthi okubulala umnotho weZimbabwe yimisebenzi yenkohlakalo enziwa yiziphathamandla zikahulumende egoqela ukuntshontshwa kwemali yohlelo lweCommand Agriculture engange$ 3 billion.

UAmbassador Olkkonen laye uthi uhulumende kaMongameli Emmerson Mnangagwa kumele aguqule izenzo zakhe nxa efuna iEU yesule izijeziso.

Kusenjalo, abeZanu PF babikwa sebelobele izikolo, amanyuvesi kanye lengatsha zikahulumende besithi umuntu wonke kumele aphatheke kuhlelo lokutshengisela lolu.

Le yinto esichothozwe kakhulu ngabanengi besithi yisibonelo sokwephulwa kwamalungelo nguhulumende okuqhubekayo.

Ukuhlaziya loludaba sixoxe lomeli weBinga North edale lephalamende njalo engoweMDC uMnu Prince Dubeko Sibanda lelunga leZanu PF uMnu Believe Gaule onguye osungula lingxoxo.

please wait

No media source currently available

0:00 0:05:08 0:00

Facebook Forum

XS
SM
MD
LG