amalinks wokungena

Breaking News

Kwamukelwe Ngenjabulo Ukuvunyelwa Kwabafundi Abangelamaphepha Ezikolo zeSouth Africa


Izizalwane zeZimbabwe ezihlala kweleSouth Africa zamukele ngenjabulo umbiko kamphathintambo wendaba zasekhaya wokuthi abantwana bezizalwane zakwamanye amazwe ezihlala kulelolizwe kumele bavunyelwe ukufunda kungakhathalekile ukuthi balencwadi zokuba selizweni ngokusemthethweni kumbe hatshi.

Isizalwane seZimbabwe uMnu Greatman Mkhwebu uthi amazwi kaMnu Aron Motsoaledi asebethulele umthwalo omkhulu kakhulu.

“Ibisiphatha kabi lento thina singabantu beZimbabwe esizihluphekelayo esingakhoni lokuthi sibhadale ischool fees ngoba imali yaseZimbabwe siyazi lamhlanje yile, kusasa yile,” kutsh uMkhwebu.

“Kuyasehlula ukuthi ngapha sithumela ukudla, siyathenga zonke izinto from amabhuku to ball pens. So, ma ngaba isiphakamiso sakhe sisivumela ukuthi abantwana bafunde siyajabula kakhulu ngoba lathi kuzasiphungula umthwalo osindayo ngoba singakwazi ukuthi singacina sikuphi.”

Ekhuluma lentathelizindaba, uMnu Motsoaledi uthe wonke umntwana kumele abe sesikolweni kungakhathalekile ukuthi uzalwa kweleSouth Africa loba kwelinye ilizwe.

Uthe ngemva kokunanzelela ukuthi abantwana bakwamanye amazwe abangelancwadi zokufunda bayenqatshelwa ukufunda ezikolweni zikahulumende, uye wathintana logatsha lwezemfundo.

Wengeze watho uthole ukuthi abenza lokhu bathi besaba ukuthi ugatsha lwendaba zasekhaya lungabathola belabantwana abangelancwadi luzabethesa umlandu.

Kodwake uMotsoaledi uthi iziphathamandla zakhe ziya ezikolo kuphela nxa kulamacala adaliweyo hatshi ukuyabheka ukuthi abafundi bakwamanye amazwe balamaphepha kumbe hatshi.

Esinye isizalwane seZimbabwe uMnu Alfos Magwegwe uthi lezi zindaba ezimnandi.

“In the interim kumele abantwana balungiselwe izincwadi ngoba abaningi abantwana sibazalele la. BangamaSouth African citizens ma ulandela i-universal law,” kutsho uMagwegwe.

“So uhulumende uma ethi abafunde, baright bafunde, but kumeke abheke ukuthi ma esiyafike 18 years lomntwana bamenzele amaphepha noma ezalwa ngumzali wangaphandle oliforeigner. Kumele benzelwe amaphepha, babhale iMatric, bazikhethele bona ukuthi bafuna ukuba ngabaliphi ilizwe.”

please wait

No media source currently available

0:00 0:02:27 0:00
XS
SM
MD
LG