amalinks wokungena

Breaking News

Imali Entsha Ibilokhe Ingakafiki Emabhanga NgoMvulo


Lanxa uhulumende ebethe imali entsha izaqala ukusebenza ngoMvulo, uzulu uthi ibingakafiki emabhanga.

Uhulumende wazise kunsukwana ezedluleyo ukuthi uzakwethula i$2 le$5 emizameni yokuqeda udubo lokusilela kwemali elizweni.

Usibalukhulu webhanga elikhulu eleReserve Bank of Zimbabwe uMnu John Mangudya utshele iStudio 7 ukuthi amabhanga aqale ukuthatha limali le ngoMvulo njalo uzulu uzayifinyelela ngoLwesibili.

UMangudya uthi bazafaka imali engangeZW$1 billion emkambo wemali phakathi kwenyanga eziyisithupha ezilandelayo.

Ukhuthaze uzulu ukuthi agcine imali emabhanga, hatshi ezindlini ukuze kuqedwe udubo lokusilela kwemali elizweni.

please wait

No media source currently available

0:00 0:00:47 0:00

Ezinye ingcwethi ezicubungula ezenotho zithi ukwethulwa kwelimali akusoze kuqede udubo lokusilela kwayo elizweni kumbe ukuqinisa umnotho weZimbabwe.

Enye yalezingcwethi nguMnu Reggie Shoko yena othi iZW$1 billion ezafakwa emkambo wemali le incane kakhulu.

Uthi bekungaba lobubelo ngabe uhulumende ufake imali engangeZW$2.5 billion kusiya kuZW$3 billion.

please wait

No media source currently available

0:00 0:02:14 0:00

Amazwi kaShoko agcizelelwe ngenye njalo ingcwethi uMnu Masimba Kuchera yena othi udubo lokubhidlika komnotho luzaqhubeka.

please wait

No media source currently available

0:00 0:01:34 0:00

Facebook Forum

XS
SM
MD
LG