amalinks wokungena

Breaking News

Sebefika Ku286 Odokotela Asebexotshwe Umsebenzi Nguhulumende


Zimbabwe Doctors Strike Patients Not Getting Treatment

Inani labodokotela asebexotshiwe nguhulumende besetheswa icala lokukhalala umsebenzi ngaphandle komthetho seliqonge lisuka ku211 laya ku286.

Umphathintambo obona ngokwethulwa kwemibiko uNkosikazi Monica Mutsvangwa utshele intathelizindaba ngemva komhlangano wedale leCabinet eHarare ngoLwesibili ukuthi kuliviki kuxotshwe odokotela abangamatshumi ayisikhombisa lanhlanu, 75.

Wengeze wathi ukuthonisiswa kwabanye odokotela ngecala elifanayo kusaqhubeka.

Lanxa kunjalo, uNkosikazi Mutsvangwa uthe uhulumende uzimisela ukukhulumisana labodokotela njalo uthe bazahlangana ngoLwesine.

Odokotela sebelenyanga ezimbili bekhalale umsebenzi besithi kabalamali yokugada amabhasi lamakhombi ngoba iholo labo lilincane kakhulu. Asenelisanga ukukhuluma lenhlanganiso emela odokotela.

Facebook Forum

XS
SM
MD
LG