Ugatsha olubona ngenyamazana zendle luthi luqoqa ukuhlenga inkulungwane zenyamazana ezihlaselwe yindlala eSave Valley Conservancy luzise kwezinye indawo ezilamadlelo angcono.
Inhlanganiso yeReuters ithi iZimbabwe Parks and Wildlife Management Authority izasusa indlovu ezedlula amakhula ayisithupha eSave Valley lezinye inyamazana ezigoqela inyathi, ontundla, lezilwane.
Uhulumende uthi sokufe indlovu ezedlula amakhulu amabili eHwange National Park laseMana Pools National Park.
Ngaphandle kwenyamazana zendle, izifuyo lazo ziqhubeka zisifa ngobunengi.
Umqoqi wamafilimu uMnu Zenzele Ndebele, yena oke wabhoda ezansi yeMandebeleni esuka koBulawayo waze wayafika edamu leMabhongane lona eselileminyaka ladubuka, utshele iStudio 7 ukuthi mubi kakhulu umumo awubonileyo.
