Ngosuku lwanamhlanje eminyakeni emibili edluleyo ibutho langena eHarare lahluthuna intambo zombuso njalo lamemezela ukuthi laselidilize uhulumende ngamandla ngoba wayelawulwa yizigebengu ezazigombolozele owayenguMongameli uMnu Robert Mugabe.
Lokhu kwaba yikuqala kokugenqulwa kukaMugabe embusweni kwangena uMnu Emmerson Mnangagwa, yena owayesanda xotshwa nguMugabe esikhundleni sokuba ngomunye wabasekeli bakhe esithi wayesehluleka umsebenzi.
Abantu abanengi baba lethemba lokuthi uMnangagwa wayezaguqula izinto abuse ngendlela eletha impumelela njalo ehloniphe amalungelo kazulu.
Kodwa abanye bathi umbuso kaMnangagwa mubi ukwedlula okaMugabe.
Ukuhlaziya loludaba sixhume ilunga leZanu PF uMnu Believe Gaule loDr. Nkululeko Sibanda, isikhulumeli somkhokheli weMDC uMnu Nelson Chamisa. USibanda nguye osungula lingxoxo.
