amalinks wokungena

Breaking News

Ukusilela Kwemali Emabhanga Kuyaqhubeka Elizweni Jikelele


Ukusilela kwemali emabhanga kuyaqhubeka elizweni lanxa nje uhulumende ethule imali entsha kumaviki amathathu edluleyo ngenjongo yokuqeda loludubo.

Izisebenzi zakwamanye amabhanga koBulawayo lasePlumtree zitshele iStudio 7 ngoLwesibili ukuthi imali esemabhanga ayeneli abantu abatshona besendwendweni.

Umuntu ngamunye uphiwa amadola alikhulu kuphela ngelanga njalo inengi likhala ngokuthi inlutshwana kakhulu limali.

“Imali efakwe nguhulumende ayisiyo mali esikhangelele ukuthi ingabe isiqede uhlupho lokusilela kwemali,” kutsho ingcwethi kwezenotho uMnu Reggie Shoko.

Kasenelisanga ukukhulumisana losibalukhulu webhanga elikhulu lelizwe eleReserve Bank uMnu John Mangudya.

Kodwa ibhanga lakhe lisanda kwazisa ukuthi lizakwethula enye njalo imali elesisindo esiphezulu maduze.

please wait

No media source currently available

0:00 0:02:21 0:00

Facebook Forum

XS
SM
MD
LG