Uhulumende sekhwezele izizalwane zeZimbabwe ezihlala kwamanye amazwe imbadalo yokuthatha i-passport isuka ku$53 ngemali yeZimbabwe isiya kuUS$318.
Imali le kumele ihlawulwe injalo ngedola lakweleMelika, okuyinto echothozwa ngabanengi.
Umphathintambo wendaba zasekhaya uMnu Kazembe Kazembe uthi bathethe inyathelo leli ukuze uhulumende athole imali yaphandle kwelizwe azayisebenzisa ekuthengeni amaphepha okudindela ama-passports.
Kulabantu abangu359,288 asebelesikhathi eside bebhalisele ama-passports kodwa kuze kube namuhla akakaphumi ngoba uhulumende esithi akalamali yokuwadinda.
Isiphathamandla senhlanganiso emela izizalwane zeZimbabwe lezakwamanye amazwe kweleSouth Africa eyeAfrican Diaspora Global Network uMnu Vusumuzi Sibanda uthi inengi kakhulu limali.
