amalinks wokungena

Breaking News

AbeMDC Basola uMnangagwa Ngokuhlaba Ikhefu Etshiya Umnotho Uwohloka Ngamandla


UMongameli Emmerson Mnangagwa useye kukhefu okwamaviki amathathu njalo ihofisi yakhe ithi uzakuba eziphumulela eselizweni.

Isikhulumeli sakhe uMnu George Charamba uthi osele ephethe isikhundla sikaMnangagwa okwamanje ngumsekeli wakhe uMnu Constantino Chiwenga njalo uzakuba etshintshana loMnu Kembo Mohadi.

UMnangagwa uzaphenduka emsebenzini ekupheleni kwenyanga.

Ibandla leMDC lisole uMnangagwa isithi kuyadanisa ukuba uya kukhefu etshiya umnotho welizwe uqhubeka utshabalala njalo uhulumende wakhe ekhanya engakwazi lokuthi abambe ngaphi.

“Kuyizenzo zomuntu ongela kuzwisisa njalo ongemahliziyo enhle, kutshengisa sobala ukuthi akala zwelo lokuzwisisa ngoba abantu bayahlupheka,” kutsho isikhulumeli somkhokheli weMDC uDr. Nkululeko Sibanda.

“Vele lanxa ekhona akukhanyi ukuthi uMnangagwa uyasebenzi, ngakho siyamangala ukuthi ikhefu ngelani ngoba lanxa ekhona umsebenzi wakhe awukhanyi.”

please wait

No media source currently available

0:00 0:02:05 0:00

Kodwa ilunga leZanu PF Central Committee uMnu Joseph Tshuma utshele iStudio 7 ukuthi uMongameli Mnangagwa ulelungelo lokuya kukhefu njengaye wonke umuntu.

“Lokhu kutshengisa ukuthi vele kulabantu abadalelwa ukusola kuphela. UMongameli Mnangagwa ulelungelo lokuya kukhefu,” kutsho uMnu Tshuma.

“Akulamali ayidlalisayo futhi ngoba isikhulumeli sakhe uMnu Charamba ukhulumile ukuthi uMongameli kasoze aphume phandle kwelizwe. Ngakho, imali ayabe eyidlalisa yiphi?

please wait

No media source currently available

0:00 0:02:16 0:00

XS
SM
MD
LG