amalinks wokungena

Breaking News

Uhulumende Walela Izikolo Ukukhuphula Inhlawulo Yemfundo


Uhulumende uthi izikolo zePrimary lezeSecondary kazisoze zivunyelwe ukukhweza imbadalo yemfundo ekuvulweni kwazo ngeviki ezayo.

Embikweni awethule ngoLwesine, uhulumende uthe abaphathi abazatholakala besephula isinqumo lesi bazajeziswa kabuhlungu.

Wengeze wathi izikolo ezizimeleyo ezizatholakala zihlawulisa abafundi ngemali yakwamanye amazwe zizavalwa.

Isiphathamandla senhlanganiso emela abathengi eyeNational Consumer Rights Association uMnu Effie Dlela Ncube uthi lihle inyathelo elithethwe nguhulumende.

Kodwa uthi kumele alungise okunengi okungahambi kuhle ezikolo okufana lokwakha izindlu zokufundela kanye lokwengeza iholo lababalisi.

“Kuyinto enhle ukuthi imbadalo yesikolo ingakhweli. Siyakwamukela lokhu njengabazali,” kutsho uMnu Ncube.

“Kodwa kasithandi kuphela ukuthi abantwana baye esikolo, sifuna bathole imfundo efaneleyo. Ngakho, uhulumende sokumele athenge yena izinto ezifunakalayo esikolo ukuze abantwaba bafunde kuhle.”

please wait

No media source currently available

0:00 0:02:08 0:00

Sixoxe njalo lomzali uMnu Prince Khumalo yena othi leli linyathelo elibi.

“Angikuboni kulinyathelo elihle. Imali ebhadalwayo njengoba kuthiwa kungakhwezwa, uyathola ukuthi uyabe ubhadala imali engeneli lesinkwa,” kutsho uKhumalo.

“Yebo ungathi linyathelo elihle kolunye uhlangothi koda abezikolo bebezama ukuthi ngaleyomali encane benelise ukuthenga amabhuku. Ngakho uhulumende sokumele aphume ke laleyo mali kulungiswe izikolo.”

please wait

No media source currently available

0:00 0:01:47 0:00

Facebook Forum

XS
SM
MD
LG